sak ifé nout jordu ék nout demin

Henri MADORÉ : 3 dalon pou in tiKozman


Culture - Kiltir
Dimanche 30 Décembre 2018

In lomaj pou in figir de nout réyonité ke na in bon pé la konu ke par la voi… Mét in zimaj si son bann chanson pou in transmisyon de la konésans de nout zistoir.


Le 11 avril 1928, Henri Madoré lé né. Lu noré ginye 90 zan dan se lané 2018, le jour ousa 3 dalon i retrouv a zot pou fé koz son léspri…

Dan le moi d’avril, na in fougad i mont si Henri CASTELNAU, le barbouyér de la réalité Réyonéz. é li désid fé Henri MADORÉ an pintur…

Kan le séri de tablo lé paré, lu kriy son dalon François ORRÉ pou voir le zafér…
La lidé de fé chant le portré si tabblo i lév…

É la zot bann goulou i ral azot ché in troizyinm laron, Toni MANGLOU, sé akoz de lu ke le zimaj de Madoré la ariv juska dan latelié Henri…

Minm si lé 3 konpér i voi pa zot souvan, zot nana asé de konésans an parmi pou kas inn ti blag dan la souvnans  pou Henri MADORÉ.

In manyér pou partaj inn ti konésans su in gran krachér de mo devan la boutéy.
In morso listoir nout pép réyoné pou pa oubliyé…

San demann pérsonn riyin, Henri, Tony ék François i donn la min Madoré pou inn ronn se 31 désanm…
Nana 30 zané li la désot lavi… 90 zan lu lé né… 2018 noré pu ét lané Madoré…

Mé konm li di li minm, "la pa ezoin kroir ke moin lé mor"…


INFO REUNION



      Partager Partager

Nouveau commentaire :
Facebook Twitter


Dans la même rubrique :
< >

Mercredi 2 Janvier 2019 - 07:22 Les vœux d'Henri

Mercredi 2 Janvier 2019 - 07:13 Les vœux de Karl