Fanal le Zournal Indépendantiste Réunionnais

Pov Verge, dawar ou la fini moli konm oute servo pou ékrie la merde konmsa. Ou niyore kisa oulé, ou la déside garde oute Maîtropolitin konm garde sioune, mé na lo zonm i rofize la sinn, sandoute lé tro konpliké pou oute ti servo zamaliyin. Oute RSA, in koukoune oute mète i donn aou, i fé fé fé dann oute tète in zanbrokal avarié. Bann kominiss navé la Réniyon, lété in fo sanblan pou ginye prann la plass bann zesklavazis é azir parèy. Dayèr agarde kan Verzès té la réziyon kosa li la fé, li la bouss lo ziyé domoune, li la anrisi ali èk son famiye. In lindépandantis lé pa pa in kominis, sé in boug i vé in domin pou dote bann maléré lé blizé vive èk koukoune. In lindépandantis, sé in patriote, ki konm an France dan la gèr la bataye pou sass lokipan, isi, noute lokipan i bouss noute ziyé, sirtou sate ou, pou fé krware aou ke oute sansèt lété in golwa. Ou dovré mon frar alé batt in karé an france, wa war koman lé vré fransé i zète aou konm malprop, kon i zète bann zétranzé. Mi vé pa krware ke ou yékoute pa zinformasiyon pou konpann lo malizé, noute konpatriote i vive an France dann lo frwa, lo rasis, la mizère, la faim pou bann somèr, lé blizé dor dann somin.
Mi anvoye pa ou o souflèr, mi domann aou solman, si ou ginye ankor, arviyin in réniyoné, zanfan noute zansèt la bataye pou kass la sin lesklavaz, malérèzman pou ou, ou wa in réniyoné konm in kominis la kass la gèl partou ousa navé so rézime, mé lété de fo kominiss pou bèze bann travayèr. Nou la vu kosa kominiss la fé an Azanie, la tiyé 34 mineurs, l'ANC laté konpliss. Nou vé pa so bann kriminèl. Lindépandantis i vé lo zonm èk fanm i lève pou sobatt konte la mizère, konte labu de pouvwar, konte le koloniyalis franSSé i boure la tète réniyoné dosu do lo. Mi krwa minm pa wa konpran sate mwin la ékri, mé na dote va lire va esplike aou, mi yespère pou ède aou rouve oute ziyé malolé.