vidéoIn soir, dann sou pyé lila lao la Saline, na in bann dalon la vni asiz pou kozé. Dann trin konmsa, la lang i bat tanki pé… Le dalon té i sort dan fon SinZo la port in liv ke li la fé li minm pou lé zot ke lété la… Ki noré di ke innot dan la bann té i sa trouv lo débi de répons pou in késtyon li lavé dan son koko dopi o moin sintantan… Zot tout i koné ti sanson i sort apré zéléksyon : A (intel) lé mor A (intel) lé mor A (intel) lé mor La tét an ba, la bouji dann ki Ala lo débi de le zistoir i komans térla ! Promyé soir navé Aline, Daniel, Stéfane et moin minm. Afors ral si lo fil, Danyél la komans mét in pé de répons si son traka de sinkantan… É yér soir, dan in mardijouar bann zéromaron, la komans mét an mizik lo téks Loxor i sava… O fét le Loxor an késtyon, té in bato ke la jamé vni Larényon é té i transport blésé dan la gér 14-18 é son non pou de vré té Louqsor, mé zot i koné koman kréol isi i lé, i inm byin arbatiz tout zafér konm li la konpri…
le Mercredi 31 Octobre 2012
|
{1}
|
|
… OF …
|